هتقتلني عشان دقني ؟

هتقتلني عشان دقني ؟
ومالوا
اقتلني
بتوعدني وتسجني ،
طب اسجني
بتكرهني عشان إيه
بتسخر من لحيتي ليه
نقاب زوجتي كمان هنته
ولما تشوفني بتشتمني

جريمتي ايه يا متعلم
انا سامع وبتعلم
انا ساكت بقى اتكلم
انطق قول وفهمني

جبت منين الكره دا بحاله ؟
والملتحي مالك كده وماله ؟
نقابها ولحيته أغلى من ماله
وعمر ماحد منهم هيحرمني

شيل الكره من قلبك هتلقاني
انسان ليا افراحي واحزاني
كفاية تسمع عني من غيري
تعالى واسمع قصتي مني